Bakıda dördmərtəbəli binanın bir hissəsi çöküb

Bakının Nərimanov rayonunda yerləşən yaşayış olmayan dördmərtəbəli binanın bir hissəsində uçqun baş verib.Bu barədə Oxu.Az xəbər verib.

Hadisə bu gün saat 17:40-da Nazim Hacıyev küçəsində qeydə alınıb.

Fövqəladə Hallar Nazirliyinin (FHN) mətbuat xidmətindən bildirilib ki, hadisə yerinə Xüsusi Riskli Xilasetmə Xidmətinin xilasediciləri cəlb olunublar.

Ərazidə aparılan ilkin qiymətləndirmə zamanı binanın bir hissəsində mənzillərin tavanının çökdüyü müəyyən edilib.

Hadisə nəticəsində xəsarət alan olmayıb. Ərazidə müvafiq təhlükəsizlik tədbirləri görülüb.