Ağdamda traktor minaya düşüb,xəsarət alan var - Yenilənib

İşğaldan azad edilmiş Ağdam rayonunun Çəmənli Sarıcalı kəndi ərazisində 5 sentyabr tarixində mina partlayışı hadisəsi baş verib.

Bu barədə Azərbaycan Respublikası Daxili İşlər Nazirliyi, Baş Prokurorluğu və Minatəmizləmə Agentliyinin (ANAMA) Mətbuat Xidmətlərindən məlumat verilib.

Bildirilib ki, Ağcabədi rayonu Şotlanlı kənd sakini 1972-ci il təvəllüdlü Sarıyev Elmdar Xan oğlunun minalardan təmizlənməmiş ərazidə idarə etdiyi traktor minaya düşüb. Hadisə zamanı Sarıyev Elmdar xəsarət alıb.

Faktla bağlı Ağdam rayon prokurorluğunda araşdırma aparılır.

ANAMA, DİN və Baş Prokurorluq bir daha vətəndaşları təhlükəsizlik qaydalarına riayət etməyə, mina təhlükəsi işarələrinin göstəricilərinə diqqətlə yanaşmağa, şübhəli əşyalara toxunmamağa, bələd olmadıqları ərazilərə daxil olmamağa, çəpərləmə fəaliyyəti aparılan ərazilərə müdaxilə etməməyə çağırıb.

23:57

Ağdam rayonunda traktor şum işləri apararkən minaya düşüb.

"Report" xəbər verir ki, hadisə rayonun Sarıcalı kəndində baş verib.

İlkin məlumatlara görə, traktor texnika əleyhinə minaya düşüb.

Partlayış zamanı texnikaya ciddi ziyan dəysə də, sürücünün xəsarət almadığı bildirilir.

Hazırda faktla bağlı araşdırma aparır.