Şəmkir sakini Tərtərdə tüfəngdən açılan atəş nəticəsində yaralanıb

Tərtərdə istixanada iş yoldaşı ilə mübahisə edən Şəmkir sakini tüfəngdən açılan atəş nəticəsində hər iki ayağından yaralanıb.

Hadisə rayonun Söylən kəndində baş verib.

Daxili İşlər Nazirliyindən bildirilib ki, 1974-cü il təvəllüdlü Məzahir Yusifov kənd ərazisində yerləşən istixanada iş yoldaşı ilə mübahisə edib. Mübahisə zamanı həmin şəxs tüfəngdən atəş açaraq M.Yusifovu yaralayıb.

Yaralı Tərtər Rayon Mərkəzi Xəstəxanasına çatdırılıb.

Polis əməkdaşlarının keçirdiyi tədbirlərlə əməli törətməkdə şübhəli bilinən 21 yaşlı Hüsən Mirzəzadə saxlanılaraq istintaqa təhvil verilib.

Faktla bağlı araşdırma aparılır.