ASF heyvandarlıq üzrə fermerlərə 800 min manat zərər ödənişi edib

Aqrar Sığorta Fondu (ASF) tərəfindən bu il heyvandarlıq sığortası üzrə fermerlərə 800 min manat zərər ödənişi həyata keçirilib.

Bunu Aqrar Sığorta Fondu (ASF) İdarə Heyətinin sədr müavini Ləman Alıyeva-Məmişova bildirib.

Onun sözlərinə görə, heyvandarlıq təsərrüfatları üzrə bu il 1 milyon manatdan çox sığorta ödənişinin həyata keçirilməsi nəzərdə tutulur.

“Bizdə iki proses var: zərərin tanınması və sənədlərin toplanması. Əvvəlcə zərəri tanıyırıq, daha sonra sənədləri toplamağa başlayırıq. Bu proses də müəyyən vaxt aparır. İldən-ilə təsərrüfatların sığortalanması artdığı üçün növbəti illərdə bu rəqəmin də artacağı gözlənilir”, – deyə Ləman Alıyeva-Məmişova qeyd edib.

Sədr müavini bildirib ki, indiyədək aqrar sığorta üzrə həyata keçirilən ödənişlər 64 rayon və 687 kəndi əhatə edib.
 

Aytac