“Şimal-Cənub” dəhlizi ilə yükdaşımalar 24 % artıb

2026-cı ilin yanvar-avqustunda “Şimal-Cənub” beynəlxalq nəqliyyat dəhlizi üzrə 452 412 ton yük daşınıb. Bunu “Azərbaycan Dəmir Yolları” QSC-nin (ADY) törəmə şirkəti “ADY Express” MMC-nin baş əməliyyat inzibatçısı Rəşad Məcidov Bakıda CICA çərçivəsində keçirilən “Limanların regional bağlantı və strateji əməkdaşlıqdakı rolu” mövzusunda beynəlxalq konfransda deyib.

Onun sözlərinə görə, bu göstərici ötən ilin eyni dövrü ilə müqayisədə 24 % çoxdur. 2025-ci ilin yanvar-avqust aylarında “Şimal-Cənub” istiqamətində 365 450 ton yük daşınıb.

Rəşad Məcidov həmçinin bildirib ki, cari ilin ilk 8 ayında “Şərq-Qərb” istiqamətində yükdaşımaların həcmi də 18 % artıb. Belə ki, 2025-ci ilin yanvar-avqust aylarında bu istiqamətdə 2 362 858 ton yük daşındığı halda, 2026-cı ilin eyni dövründə göstərici 2 777 718 ton təşkil edib.

Aytac