Azad edilmiş ərazilərdə yeni tədris ilində 15 yeni təhsil müəssisəsi fəaliyyətə başlayacaq

İşğaldan azad edilmiş ərazilərdə 2026–2027-ci tədris ilində daha 15 təhsil müəssisəsinin fəaliyyətə başlaması nəzərdə tutulur. Bu barədə elm və təhsil naziri Emin Əmrullayev jurnalistlər üçün keçirilən brifinqdə deyib.

Onun sözlərinə görə, yeni tədris ilində 11 məktəbəqədər və 4 ümumi təhsil müəssisəsi fəaliyyətə başlayacaq. Yeni müəssisələr Ağdam, Ağdərə, Xocalı, Cəbrayıl, Kəlbəcər, Xankəndi, Xocavənd və Zəngilan ərazilərində yerləşəcək.

2025–2026-cı tədris ilində azad edilmiş ərazilərdə 12 məktəbəqədər təhsil müəssisəsi fəaliyyət göstərib. Yeni müəssisələrlə onların sayı 23-ə çatacaq. Məktəbəqədər müəssisələrdə 408 uşağın təhsil alması və 123 əməkdaşın çalışması nəzərdə tutulur.

Ümumi təhsil müəssisələrinin sayı isə 25-dən 29-a yüksələcək. Bu müəssisələrdə 4 825 şagirdin təhsil alması və 700 nəfərlik işçi heyətinin fəaliyyət göstərməsi planlaşdırılır.

Gülnar Nazimqızı