Mikayıl Cabbarov: Azərbaycan iqtisadiyyatının mürəkkəbliyinin artırılması əsas hədəfdir

Azərbaycanın əsas iqtisadi hədəflərindən biri daha çox əlavə dəyər yaradan mal və xidmətlərin istehsalının artırılmasıdır.Bunu iqtisadiyyat naziri Mikayıl Cabbarov “Baku ID 2026” innovasiya festivalında çıxışı zamanı deyib.

Nazir bildirib ki, bu məqsədə çatmaq üçün əsas amillər istedad, texnologiya və ekosistemin vəhdətidir.

“İstedadın rolu, insanın rolu tam mərkəzdədir. Əgər imkan verən siyasət, mühit və ekosistem mövcuddursa, insan rolu tam mərkəzdədir”, – Cabbarov qeyd edib.

Onun sözlərinə görə, texnologiyanın, xüsusilə süni intellektin inkişafı əmək bazarında tələb olunan bacarıqların məzmununu dəyişir.

“Biz istedaddan, istedadın tərifindən və ya hətta savadlı, səriştəli işçinin tərifindən danışarkən, bu anlayışlar elə biz danışdıqca dəyişir”, – nazir deyib.

Cabbarov qeyd edib ki, Azərbaycan üçün qarşıdakı dövrdə əsas məqsədlərdən biri texnoloji dəyişikliklərin yaratdığı imkanlardan yüksək səviyyədə istifadə edən, ixtisaslı və səriştəli insan kapitalının formalaşdırılmasıdır.

O, həmçinin məhsuldarlığın ekosistemlə birbaşa əlaqəli olduğunu vurğulayıb.

Aytac Zeynalova