2030-cu ilədək işçilərin yarısına yeni bacarıqlar lazım olacaq

2030-cu ilədək qlobal işçi qüvvəsinin təxminən yarısının yeni bacarıqlar qazanmasına ehtiyac yaranacaq. Bunu Dünya İqtisadi Forumunda (WEF) gələcək təşəbbüslər üzrə fəaliyyət rəhbəri Alison Eaglesham “Baku ID” innovasiya festivalında deyib.

Onun sözlərinə görə, 2030-cu ilədək əmək bazarında tələb olunan fundamental bacarıqların 39%-i dəyişəcək. Eyni zamanda, işəgötürənlərin 63%-i bacarıq çatışmazlığını biznesin transformasiyası qarşısında əsas maneə hesab edir.

Eaglesham bildirib ki, analitik və yaradıcı düşüncə, liderlik və dözümlülük kimi bacarıqlar aktuallığını qoruyacaq, lakin bunlar süni intellekt, böyük verilənlər və kibertəhlükəsizlik üzrə texniki biliklərlə tamamlanacaq.

O qeyd edib ki, WEF-in “Qlobal Bacarıqlar Akseleratoru” proqramı 4SİM-in koordinasiyası ilə Azərbaycanda həyata keçirilir. Proqram dövlət, biznes və akademik ictimaiyyəti gələcəyin əmək bazarına uyğun bacarıqların formalaşdırılması üçün bir araya gətirir.

Eaglesham əlavə edib ki, WEF bu proqramı indiyədək 35-dən çox ölkədə həyata keçirib.

Aytac