Formula 1 zamanı Bakıda yolların hərəkət rejimi açıqlanıb

Formula 1 Azərbaycan Qran-prisi ilə əlaqədar Bakının mərkəzi küçələrində nəqliyyatın hərəkətinə mərhələli məhdudiyyətlər tətbiq olunur. Nəqliyyatın İdarəetmə Planına əsasən, ilk bağlama 19 sentyabr saat 21:00-da Puşkin küçəsinin Üzeyir Hacıbəyli küçəsi ilə Neftçilər prospekti arasındakı hissəsində qüvvəyə minəcək.

Bakı Şəhər Halqasının əhatə etdiyi trekin bütün ərazisi isə 20 sentyabr saat 01:00-dan 28 sentyabr saat 08:00-dək tam bağlanacaq. Bu zonalara giriş yalnız xüsusi icazə vərəqələri ilə mümkün olacaq.

Sakinlərin hərəkətini asanlaşdırmaq məqsədilə 21-22 sentyabrda səhər (07:00-09:00) və axşam (18:00-20:00), 23 sentyabrda isə səhər (07:00-09:00) və axşam (20:00-22:00) saatlarında əsas keçidlər tranzit hərəkət üçün açıq olacaq.

Üzeyir Hacıbəyli və Puşkin küçələrinin kəsişməsindən Bülbül prospekti istiqamətində yeni tranzit dəhliz təşkil ediləcək. İctimai nəqliyyat və ağırtonnajlı yük maşınları istisna olmaqla avtomobillərin dayanmadan hərəkət edə biləcəyi dəhlizlərdə maksimal sürət həddi 50 km/saat təşkil edəcək.