Bu küçədə nəqliyyatın hərəkəti məhdudlaşdırılacaq

Bakının Nəsimi rayonunda Ceyhun Hacıbəyli küçəsinin bir hissəsində nəqliyyat vasitələrinin hərəkəti müvəqqəti məhdudlaşdırılacaq.

Azərbaycan Avtomobil Yolları Dövlət Agentliyindən (AAYDA) bildirilib ki, məhdudiyyət yeraltı kommunikasiya xətlərinin çəkilişi ilə əlaqədar qazıntı işləri aparılmış hissədə yol örtüyünün bərpası ilə bağlıdır.

Məhdudiyyət sentyabrın 18-i saat 23:00-dan sentyabrın 20-si saat 02:00-dək Ceyhun Hacıbəyli küçəsinin Ənvər Qasımzadə küçəsi ilə Hənifə Ələsgərova küçəsi arasındakı hissəsində tətbiq ediləcək.

AAYDA bildirib ki, işlərin qısa müddətdə başa çatdırılması üçün istirahət günlərində intensiv təmir-bərpa işləri aparılacaq.

Sürücülərə həmin müddətdə alternativ yollardan istifadə etmək tövsiyə olunub.