"Sabah"ın Çempionlar Liqasındakı ev oyunları üçün vahid biletlər satışda

"Sabah"ın UEFA Çempionlar Liqasının liqa mərhələsində keçirəcəyi dörd ev oyunu üçün vahid biletlər satışa çıxarılıb.Bu barədə paytaxt klubunun mətbuat xidməti məlumat yayıb.

Vahid bilet əldə edən azarkeşlər "Sabah"ın "Slaviya" (Praqa), "Borussiya" (Dortmund), "Barselona" və "Napoli"yə qarşı ev oyunlarını canlı izləyə biləcəklər.

Biletlərin qiyməti 35-285 manat arasında dəyişir.

Klubun məlumatına görə, alınmış biletlər geri qaytarılmır, dəyişdirilmir və bərpa edilmir.

Biletlər yalnız QR-kod formatında təqdim olunur. Onlardan istifadə etmək üçün azarkeş iTicket.AZ mobil tətbiqində bileti aldığı hesabına daxil olmalıdır. QR-biletlər yalnız oyunların keçiriləcəyi gün aktivləşdiriləcək.

"Sabah" ev oyunlarını Bakı Olimpiya Stadionunda keçirəcək.