Spiral azalıb, prezervativ artıb - Azərbaycanda qadınların hamiləlikdən qorunma statistikası

Azərbaycanda prezervativ, diafraqma və uşaqlıq boynu qapağı kimi baryer üsulları ilə hamiləlikdən qorunan qadınların sayı 2025-ci ildə əvvəlki illə müqayisədə 11% artaraq 9,7 min nəfərə çatıb. Bu barədə Dövlət Statistikadan bildirilib. 

2024-cü ildə bu vasitələrdən istifadə edən qadınların sayı 8,7 min nəfər olub. 15–49 yaşlı hər 1 000 qadına düşən göstərici isə 3,3-dən 3,6-ya yüksəlib.

Digər üsullardan istifadə edənlərin sayı azalıb. Uşaqlıqdaxili spiral istifadə edən qadınların sayı 13,3 mindən 11,4 minə, hormonal qorunma vasitələrindən istifadə edənlərin sayı 8,4 mindən 7,3 minə enib.

Kimyəvi qorunma vasitələrindən istifadə edənlərin sayı 3,8 mindən 3,1 minə düşüb. Qadınların sterilizasiya əməliyyatlarının sayı isə 2024-cü ildəki 52-dən 2025-ci ildə 117-yə yüksəlib.

Gülnar Nazimqızı