“Flydubai” Təl-Əviv uçuşlarını müvəqqəti dayandırıb

Birləşmiş Ərəb Əmirliklərinin “Flydubai” aviaşirkəti sentyabrın 30-da baş verən insidentdən sonra Təl-Əvivə və əks istiqamətdə uçuşları müvəqqəti dayandırıb.Bu barədə aviaşirkətin baş direktoru Qays əl-Qays məlumat verib.

Onun sözlərinə görə, uçuşlar səlahiyyətli qurumların tələbi ilə dayandırılıb. Aviaşirkət insidentdən zərər çəkən sərnişinlərin son təyinat məntəqələrinə çatdırılması üçün tədbirlər görür.