Prezidentin xüsusi nümayəndəsi sahibkarlara çağırış edib

Ağdam, Füzuli və Xocavənd rayonlarında 50 min hektardan çox əkinəyararlı torpağın 24 min hektarı hələ əkin dövriyyəsinə cəlb olunmayıb və istifadəyə hazırdır. Bunu Prezidentin bu rayonlar üzrə xüsusi nümayəndəsi Emin Hüseynzadə bildirib.

Onun sözlərinə görə, Ağdam rayonunda əkinəyararlı torpaqların sahəsi 33 min hektara yaxındır.

Hüseynzadə sahibkarları və fermerləri bu torpaqlardan istifadə etməyə çağırıb.

“Var, torpaq da var, infrastruktur da var, dövlətin dəstəyi də var. Yetər ki, siz bunu istəyəsiniz və buna inanasınız”, - Hüseynzadə deyib.

O bildirib ki, yeni Dövlət Proqramı ekstensiv təsərrüfatçılıqdan intensiv istehsala, suya qənaət edən texnologiyalara və müasir suvarma sistemlərinə keçidi təşviq edir.

Gülnar Nazimqızı