Qurbanov: Azərbaycan yaşıl keçidin inkişafında maraqlıdır

Azərbaycan ənənəvi enerji resurslarına malik olsa da, yaşıl keçidin inkişafında və iqlim dəyişikliyi ilə mübarizəyə töhfə verməkdə maraqlıdır. Bunu Təbii ehtiyatlar, energetika və ekologiya komitəsinin sədri deputat Sadiq Qurbanov bildirib.

“Ən əsas məsələlərdən biri, təbii ki, enerji ilə bağlı və Avropanın enerji təhlükəsizliyi məsələləri idi. Azərbaycan olaraq biz həm yaşıl keçidin inkişafında maraqlı dövlətik. Baxmayaraq ki, ənənəvi enerji resurslarımız var, biz dünyada bugünkü trend olan iqlim dəyişikliklərinə öz töhfəmizi vermək istəyirik”, - Qurbanov deyib.

Deputat bildirib ki, çıxışda Azərbaycanda gedən proseslər, ölkənin dünyadakı yeri və enerji təhlükəsizliyi məsələləri əhatə olunub.

Qurbanovun sözlərinə görə, Azərbaycanda yaşıl keçidlə bağlı çoxsaylı tədbirlər keçirilir. O, ölkəni bu sahədə “regionun və dünyanın aparıcı, lider dövləti” adlandırıb.

Gülnar Nazimqızı