İranda polis idarəsinə silahlıl hücum olub, ölən və yaralananlar var

İranın Sistan və Bəlucistan vilayətinin Gülşən rayonunda polis idarəsinə silahlı hücum olub.Bu barədə IRIB xəbər verir.

Hücum edənlərdən biri zərərsizləşdirilib, bir neçə nəfər isə yaralanıb.

Məlumata görə, iki polis ekipajının ərazidən çıxışı zamanı partlayış baş verib və daha sonra silahlı şəxslər atəş açıblar. Polis qüvvələrinin müdaxiləsi nəticəsində hücum edənlərdən biri öldürülüb.

Bildirilib ki, ərazi hazırda təhlükəsizlik və polis qüvvələrinin nəzarətindədir. Hücumun digər iştirakçılarının müəyyənləşdirilməsi və saxlanılması istiqamətində tədbirlər davam etdirilir.