2026-cı il Nobel Sülh mükafatının laureatı açıqlanıb

2026-cı il Nobel Sülh mükafatına Navanethem Pillay (Navi) layiq görülüb.

Mükafat ona sülhün və beynəlxalq hüququn təşviqi istiqamətində göstərdiyi səylərə görə təqdim olunub.

Navanethem “Navi” Pillay Cənubi Afrikalı hüquqşünas və keçmiş beynəlxalq hakimdir. O, 2008–2014-cü illərdə BMT-nin İnsan Hüquqları üzrə Ali Komissarı vəzifəsində çalışıb.

1941-ci ildə Cənubi Afrikanın Durban şəhərində anadan olan Pillay aparteid dövründə insan hüquqlarını müdafiə edən vəkil kimi fəaliyyət göstərib. O, qaradərili hüquqşünasların üzləşdiyi ayrı-seçkiliyə baxmayaraq, hüquq sahəsində karyerasını davam etdirib və aparteidə qarşı çıxan fəalları müdafiə edib.

Pillay 1995-ci ildə Ruanda üzrə Beynəlxalq Cinayət Tribunalına hakim təyin olunub, 1999–2003-cü illərdə isə həmin tribunalın prezidenti vəzifəsini icra edib. Daha sonra Beynəlxalq Cinayət Məhkəməsində hakim kimi çalışıb.

O, həmçinin qadın hüquqlarının müdafiəsi ilə məşğul olan Equality Now təşkilatının həmtəsisçilərindən biridir. Pillayın fəaliyyəti insan hüquqlarının qorunması, ayrı-seçkiliyə qarşı mübarizə və beynəlxalq hüququn inkişafı ilə bağlıdır.

Gülnar Nazimqızı