Əliyev: Xəzərin dayazlaşması ilə bağlı təşəbbüsümüzün aktuallığı təsdiqlənib

 Prezident İlham Əliyev Xəzər dənizinin dayazlaşmasının səbəblərinin araşdırılması və dəniz səviyyəsinin daha da aşağı düşməsinin qarşısının alınması üçün 2022-ci ildə xüsusi ekspert qruplarının yaradılmasını təklif etdiyini açıqlayıb.  Dövlət başçısı bunu Türkmənbaşı şəhərində keçirilən Xəzər Ekoloji Sammitində çıxışı zamanı deyib.

“2022-ci ildə Aşqabadda keçirilən altıncı Xəzər sammitində dənizin dayazlaşması kontekstində dayazlaşmanın səbəblərini aşkar etmək və dəniz səviyyəsinin daha da aşağı düşməsinin qarşısını almaq üçün tədbirlərin görülməsi məqsədilə xüsusi ekspert qruplarının yaradılmasını təklif etmişdim. Ötən illər bu təşəbbüsün aktuallığını təsdiqlədi”, - Prezident qeyd edib.

 2022-ci il iyunun 29-da Aşqabadda keçirilən Xəzəryanı dövlətlərin altıncı sammitində İlham Əliyev Xəzər dənizinin dayazlaşmasının uzun illərdir müşahidə olunduğunu və prosesin dinamikasının narahatlıq doğurduğunu bildirmişdi. O, hadisənin səbəblərini müəyyənləşdirmək və dənizin daha da dayazlaşmasının qarşısını almaq üçün xüsusi ekspert qruplarının yaradılmasını təklif etmişdi.

Gülnar Nazimqızı