Texnologiya dərsində yemək hazırlayan şagirdlər zəhərləniblər

Beyləqan rayonunun Eyvazalılar kənd tam orta məktəbində şagirdlərin zəhərlənməsi faktı Qida Təhlükəsizliyi Agentliyinin (AQTA) nəzarətinə götürülüb. Bu barədə AQTA məlumat yayıb.

Agentliyin ilkin araşdırmasına əsasən, hadisə şagirdlərin “Texnologiya” dərsində özlərinin hazırladıqları qidanı istehlak etməsindən sonra baş verib.

Şagirdlərə müvafiq tibb müəssisəsində tibbi yardım göstərilir. Hadisənin səbəblərinin müəyyənləşdirilməsi istiqamətində araşdırmalar davam etdirilir.

Qafqazinfo-nun məlumata görə 16 şagird zəhərləndiyi üçün xəstəxanaya yerləşdirilib.