Yol polisi sürücüləri yağışlı və dumanlı hava şəraitində ehtiyatlı olmağa çağırıb

Yağış və duman, xüsusilə gecə və səhər saatlarında yollarda görünüş məsafəsini azalda bilər. Baş Dövlət Yol Polisi İdarəsi həftəsonu avtomobil yollarında hərəkətin intensivləşəcəyini nəzərə alaraq sürücülərə səfərlərini əvvəlcədən planlaşdırmağı və ehtiyatlı davranmağı tövsiyə edib.

İdarənin müraciətində bildirilib ki, yaş yol örtüyü avtomobili idarə etməyə təsir göstərir və əyləc məsafəsini uzadır. Belə şəraitdə yol nişanlarını, nişanlama xətlərini və digər hərəkət iştirakçılarını vaxtında görmək çətinləşə bilər.

Sürücülərə avtomobillərinin texniki sazlığını yoxlamaq, sürəti yol və görünüş şəraitinə uyğun seçmək, təhlükəsiz ara məsafəsi saxlamaq tövsiyə olunub. İdarə texniki nasazlığı olan nəqliyyat vasitələri ilə yola çıxmamağa, ötmə və manevr zamanı, həmçinin dayanma və durma yerini seçərkən təhlükəsizlik tələblərinə əməl etməyə çağırıb