Ər-Riyad hava limanı hücumlardan sonra fəaliyyətini dayandırıb

Səudiyyə Ərəbistanının paytaxtı Ər-Riyaddakı Kral Xalid Beynəlxalq Hava Limanının fəaliyyəti şənbə günü baş verən hücumlardan sonra müvəqqəti dayandırılıb.Bu barədə Səudiyyə Ərəbistanının Mülki Aviasiya Baş İdarəsi məlumat yayıb.

Bildirilib ki, hava limanı dəymiş ziyanın qiymətləndirilməsi və obyektlərin təhlükəsizliyinin yoxlanılması başa çatanadək fəaliyyət göstərməyəcək.

Qurumun bəyanatına görə, hücum şənbə günü günün ikinci yarısında baş verib. Hadisə nəticəsində bir neçə nəfər xəsarət alıb, yaralıların dəqiq sayı müəyyənləşdirilir.