2025-ci ildə ölən kişilərin sayı qadınlardan 24,3% çox olub

2025-ci ildə Azərbaycanda ölən kişilərin sayı qadınların sayından 3 664 nəfər və ya 24,3% çox olub. Bu barədə Dövlət Statistika Komitəsindən bildirilib.

İl ərzində 18 735 kişi və 15 071 qadın ölüb.

2024-cü illə müqayisədə ölən kişilərin sayı 0,9%, qadınların sayı isə 3,5% artıb.

2025-ci ildə 33 806 nəfər ölüb ki, bu da əvvəlki illə müqayisədə 2% çoxdur.

15-29 yaş qrupunda ölənlərin sayı isə 2025-ci ildə 630 nəfər olub. Bu, 2024-cü illə müqayisədə 12% azdır.

Yaş qrupları üzrə ölüm sayı 15-19 yaşlılarda 9,6%, 20-24 yaşlılarda 11,4%, 25-29 yaşlılarda isə 14,3% azalıb.

Gülnar Nazimqızı