Yol polisi əlverişsiz hava şəraiti ilə əlaqədar sürücülərə müraciət edib

Azərbaycan Baş Dövlət Yol Polisi İdarəsi (BDYPİ) həftəsonu səfərə hazırlaşan Sürücülərə müraciət edərək elverişsiz hava şəraiti səbəbindən nasaz nəqliyyat vasitələri ilə yola çıxmamağı tövsiyə edib.

​Qurumun məlumatında bildirilir ki, ölkə ərazisində müşahidə olunan yağışlı və dumanlı hava şəraiti, xüsusilə gecə və səhər saatlarında yollarda görünüş məsafəsini əhəmiyyətli dərəcədə məhdudlaşdırır.

​Şənbə və bazar günləri avtomobil yollarında hərəkət intensivliyinin artacağını nəzərə çatdıran BDYPİ sürücüləri sürət həddinə riayət etməyə, ötmə, manevr və parklanma zamanı təhlükəsizlik qaydalarına ciddi əməl etməyə çağırıb.