Zaqatalada silsilə oğurluqlarda şübhəli bilinən şəxs saxlanılıb

Zaqatala rayonunda evlərdən pul və qiymətli əşyalar oğurlamaqda şübhəli bilinən yerli sakin R.Musayev hüquq-mühafizə orqanları tərəfindən saxlanılıb.

​Daxili İşlər Nazirliyinin mətbuat xidmətindən verilən məlumata görə, fərdi yaşayış evlərindən birindən daxil olan müraciət əsasında keçirilən əməliyyat tədbirləri nəticəsində şübhəli şəxs müəyyən edilib. Araşdırmalar zamanı onun rayon ərazisində daha bir neçə fərdi evdən oğurluq etdiyi üzə çıxıb.

​Faktla bağlı cinayət işi başlanılıb və məhkəmənin qərarı ilə R.Musayev barəsində həbs qətimkan tədbiri seçilib.