Putin və Tramp arasında görüş planlaşdırılmır – Kreml

Rusiya Prezidenti Vladimir Putin və ABŞ Prezidenti Donald Tramp arasında telefon danışığı və ya görüş hələlik nəzərdə tutulmayıb.Bu barədə Rusiya Prezidentinin mətbuat katibi Dmitri Peskov məlumat verib.

Kremlin sözçüsü əlavə edib ki, ABŞ liderinin irəli sürdüyü Rusiya, ABŞ və Ukrayna prezidentlərinin iştirakı ilə üçtərəfli təmasların təşkili imkanları barədə Moskvanın məlumatı yoxdur.

“The Financial Times” nəşri isə yazır ki, Ukrayna və ABŞ münaqişənin nizamlanması üzrə danışıqlarda Avropanı təmsil etmək üçün Böyük Britaniya, Fransa və Almaniya nümayəndələrini mümkün iştirakçılar kimi nəzərdən keçirirlər. Lakin Avropa İttifaqı danışıqlara necə təsir göstərəcəyi ilə bağlı hələ vahid mövqeyə gələ bilmədiyindən prsosesdən kənarda qalır.

Məsələyə münasibət bildirən Peskov Avropa nümayəndələrinin təmaslarda iştirakı ilə bağlı hələlik heç bir müzakirənin aparılmadığını deyib. Bununla belə, o, Putinin hər kəslə dialoqa açıq olduğunu vurğulayıb.