ABŞ-ın proqram təminatı işləyib hazırlayan "Salesforce” şirkəti və digər iddiaçılar "Twitter”i satın almaq üçün 16 milyard dollardan çox vəsait ödəməyə hazırdır.
İKT.lent.az-ın xəbərinə görə, bu barədə "Bloomberg” agentliyi məlumat yayıb. "Twitter” hələlik rəsmi təklif almayıb. Lakin şirkətin rəhbəri Cek Dorsinin satışda maraqlı olmadığı bildirilir. Sövdələşmə baş tutarsa, o, vəzifədən gedə bilər. Son 6 il ərzində "Twitter”də 5 dəfə rəhbər dəyişikliyi baş verib.
"Bloomberg” bildirir ki, "Twiter”i alan təkcə mikrobloqun məlumat bazasına yox, problemlərinə də sahib olacaq.
Qeyd edək ki, "Twitter”ə iddiaçılar arasında "Google”un da adı çəkilir.
www.ann.az
Bizi sosial şəbəkələrdə izləyin !