Şimali Makedoniyada növbədənkənar seçkilər keçirilir

18:30 | 15.07.2020
Şimali Makedoniyada seçicilər növbədənkənar seçkidə iştirak edirlər.

Yeniavaz.com "Anadolu” agentliyinə istinadən xəbər verir ki, Şimali Makedoniyanın qeydiyyatda olan 1 milyon 814 min 263 seçicisi 3 min 390 seçki məntəqəsində səs verməyə başlayıb. Səsvermə yerli vaxtla saat 07:00-dan etibarən başlayan səsvermə saat 21:00-da başa çatacaq.

COVID-19 səbəbindən seçkilər ilk dəfə 3 gün ərzində davam edəcək. Ümumi sayı 723 nəfər olan virusa yoluxmuş və evdə karantində olan vətəndaşlar artıq səsvermədə iştirak edib.

1500-dən çox namizəd məclisin 120 yeri uğrunda mübarizə aparır. Seçkilərdə 15 siyasi ittifaq və partiya iştirak edir.

Xatırladaq ki, 1991-ci ildə müstəqillik qazandıqdan bəri 10-cu dəfə ümumi seçkilərə gedən ölkədə 5 erkən seçki keçirilib. Şimali Makedoniyada bundan əvvəl ümumi seçkilər 2008, 2011, 2014 və 2016-cı illərdə keçirilib.
www.anews.az

Tərəfdaşların xəbərləri

REKLAM