Keçən il sığorta şirkətlərinin könüllü sığorta növləri üzrə yığımları 728 milyon 71 min manat (artım 24,1 faiz) və ya bazardakı bütün sığorta ödənişlərinin  75 faizini təşkil edib. Bununla yanaşı, həyat sığortası üzrə sığorta haqları 425 milyon 89 min manat (artım 33%), həyatdan başqa sığortalar isə  302 milyon 982 min manat (artım 13,5 faiz) olub. 

İcbari sığorta növləri üzrə sığorta haqları 242 milyon 751,7 min manat (azalma 5,7%) təşkil edib.

Sığorta şirkətləri hesabat dövründə ən çox sığorta haqqını sağ qalma sığortası (396 milyon 687,2 min manat), tibbi sığorta (112 milyon 260 min manat), həmçinin nəqliyyat vasitələri sahiblərinin mülki məsuliyyətinin icbari sığortası (OSAGO) (113 milyon 843, 57 min manat) üzrə toplayıb. Ümumilikdə, hesabat dövründə sığorta şirkətlərinin gəlirlərinin 64,2 faizini bu üç sığorta növü üzrə sığorta haqları təmin edib.

2022-ci ildə sığorta şirkətləri tərəfindən sığorta halları ilə bağlı  kompensasiyalar üçün 433 milyon 202,48 min manat vəsait ödənilib ki,  bu da 2021-ci illə müqayisədə 5,6% azdır.

Sığorta şirkətlərinin  könüllü sığorta növləri üzrə ödənişləri bazarda bütün sığorta ödənişlərinin 337 milyon 633,16 min manat (azalma 0,5 faiz) və ya 77,9 faiz təşkil edib. Bununla yanaşı, həyat sığortası üzrə ödənişlər 244 milyon 706,29 min manat (artım 3,8%), həyatdan başqa sığorta üzrə ödənişlər 92 milyon 926,87 min manat (azalma 10,3%) olub.

İcbari sığorta növləri üzrə 95 milyon 569,32 min manat (azalma 20%) olub.

Hesabat dövründə sığortaçılar ən çox OSAGO (90 milyon 280,4 min manat), yaşamaq üçün (242 milyon 78,27 min manat) və tibbi sığorta (70 milyon 222,08 min manat) üzrə ödəniş ediblər. Ümumilikdə, hesabat dövründə bu üç sığorta növü üzrə ödənişlər bazarda bütün sığorta ödənişlərinin 92,9 faizini təmin edib.

Eyni zamanda, 2022-ci ildə sağ qalma sığortası ödənişləri 2021-ci illə müqayisədə 4,5% artıb.

2022-ci ilin dekabr ayının sonunda Azərbaycanda 20 sığorta şirkətinin fəaliyyət göstərmək üçün lisenziyası olub.

Mərkəzi Bankın məlumatına görə, 2022-ci ildə sığorta haqlarının həcminə görə ilk 5-liyə "PAŞA Həyat Sığorta” – 413,298 milyon manat, "PAŞA Sığorta” – 215,132 milyon manat, "Atəşgah Həyat Sığorta” – 53,466 milyon manat, "Xalq sığorta” - 42 milyon manat və Qala sığorta -  40,355 milyon manat  daxildir. 

Ümumilikdə, hesabat dövründə sığortaçıların yığdıqları sığorta haqlarının 78,8%-i bu 5 şirkətin payına düşüb.

2022-ci ildə ödənişlərin həcminə görə ilk 5 sığortaçıya aşağıdakılar daxildir: "PAŞA Həyat Sığorta” – 215,366 milyon manat, "PAŞA Sığorta” – 66,907 milyon manat, "Xalq Sığorta” – 27,466 milyon manat, "Atəşgah Həyat Sığorta” – 29,993 milyon manat və "Azərsığorta” – 28 milyon manat.

Ümumilikdə, ilin birinci yarısında sığortaçıların yığımlarının 83,1%-i bu 5 şirkətin payına düşüb.

2022-ci ildə sığorta sektorunun nüfuzu (sığortanın nüfuz dərinliyi - ümumi mükafatın ÜDM-ə nisbəti) 0,7% təşkil edib.