Ali təhsili ingilis dilində alan azərbaycanlı tələbələrin sayı açıqlanıb

Hazırda 22 mindən çox azərbaycanlı tələbə ali təhsili ingilis dilində tədris olunan ixtisaslarda təhsil alır. Bunu Təhsil nazirinin müavini Kənan Kərimzadə deyib.

O bildirib ki, bu il bu rəqəm artıq 10 minə çatıb ki, bu da son illərin ən yüksək göstəricisidir. Ali təhsildə 340–350 proqram arasında 15–20%-i artıq ingilis dilində tədris olunur.

“Vacib məsələlərdən biri də müəllimlərimizin beynəlxalq standartlara uyğunlaşdırılmasıdır. 2020-ci ildən etibarən beynəlxalq qiymətləndirmə əsasında müəllimlərimiz üçün xarici ölkələrin standartlarına yaxın tədris formatları tətbiq olunmağa başlanılıb. Təhsil Nazirliyi son illər bir neçə rəqəmsal platforma — elektron tədris sistemi, video dərslər və birbaşa müəllim hazırlığı platforması hazırlayıb. Bu platformalarda on minlərlə ingilis dili üzrə tədris materialı yerləşdirilib”,- nazir “Məktəblilər üçün yeni rəqəmsal ingilis dili öyrənmə mənbəyi” layihəsinin təqdimatı zamanı vurğulayıb.

Aytac Zeynalova