Reynaldo: "Rəqib müdafiəçilərini yaxşı tanıyıram"

"Bizi çox çətin oyun gözləyir. "Anderlext"in həm hücumda, həm də müdafiədə yaxşı oynadığını bilirik".

Qol.Az-ın məlumatına görə, bu sözləri "Qarabağ"ın futbolçusu Reynaldo Silva  Avropa Liqasının qrup mərhələsində qarşılaşacaqları "Anderlext"lə oyun öncəsi keçirilən mətbuat konfransında deyib.

Braziliyalı hücumçu doğma azarkeşlər önündə ən yaxşı oyunlarını sərgiləməyə çalışacaqlarını bildirib: "Rəqibin avrokuboklarda yaxşı təcrübəsi var. Biz də azarkeşlərimiz önündə ən yaxşı oyunumuzu göstərməyə çalışacağıq. Təkcə sabiq klubum "Anderlext"ə qarşı deyil, istənilən komanda ilə oyuna eyni dərəcədə məsuliyyətlə hazırlaşıram".

Reynaldo sabiq komandasına yaxşı bələd olduğunu əlavə edib: "Təbii ki, "Anderlext"in müdafiəçilərini yaxşı tanıyıram. Onlarlın bəziləri ilə bir yerdə  məşq etmişəm. Rəqibi kifayət qədər  analiz etmişəm”.

Qeyd edə ki, sabah Tofiq Bəhramov adına Respublika stadionunda keçiriləcək "Qarabağ" - "Anderlext" oyunu saat 22:00-da başlayacaq.
www.ann.az