Harri Keyn “Qarabağ”la oyunu buraxa bilər

İngiltərənin "Tottenhem" klubunun baş məşqçisi Maurisio Poçettino Avropa Liqasının qrup mərhələsinin beşinci turu çərçivəsində "Qarabağ"a qarşı keçirəcəkləri səfər oyununda komandasının daha bir aparıcı üzvünə istirahət verə bilər.

Söhbət komandanın liderlərindən hesab olunan hücumçu Harri Keyndən gedir.

İngiltərə yığmasının da şərəfini qoruyan futbolçu son dövrlər bütün görüşlərdə 90 dəqiqə meydanda olub. "Sky sport”un xəbərinə görə, bu səbbədən baş məşqçi onu böyük ehtimalla Bakıdakı görüşdə tam oynatmayacaq. O, ya start heyətdə meydana çıxıb, sonradan əvəzlənəcək, ya da ikinci yarıda meydana buraxılacaq. Keynin ümumiyyətlə oynamaması da istisna edilmir.

Baş məşqçi özü İngiltərə mətbuatına açıqlamasında Keynlə bağlı bunları söyləyib: "Keynin oynayıb-oynamayacağına matç günü qərar verəcəyik" (azerisport.az).