Nazir: "İmtina etsək, "Formula - 1"ə görə cərimə ödəməli olacağıq"

 

Bu sözləri gənclər və idman naziri Azad Rəhimov jurnalistlərə açıqlamasında deyib.

Nazirin sözlərinə görə, "Formula 1"in büdcəsi 12 milyon dollardır, bu vəsait yolları düzəltmək üçün xərclənir. Digər xərclər isə kommunikasiya ilə əlaqədardır.

Azad Rəhimov "Formula 1"in büdcəsinin 34 milyon dollar olması ilə bağlı sualı cavablandırıb. Onun sözlərinə görə, büdcənin 34 milyon olması ilə bağlı rəsmilərdən heç kim açıqlama verməyib: "Bu açıqlamanı italiyalı bir şəxs verib, həmin adam isə, ümumiyyətlə, heç müqaviləni belə görməyib. Müqavilə ikitərəflidir. Bu iddialar isə sadəcə boş söhbətlərdir, "Formula 1"in büdcəsi iki əsasdan formalaşır, birincisi, hər il ödənilən haqdır, ikinci məsələ isə təşkilat xərcləridir. Bu barədə açıqlama da  ictimaiyyətə veriləcək".

Qeyd edək ki, bu gün Gənclər və İdman naziri Azad Rəhimov Ümumdünya Paralimpiya  Komitəsinin prezidenti Filip Kraven ilə görüşüb. Tədbirdə həmçinin Paralimiya  Hərəkatının 20 illiyi münasibətilə təltifolunma mərasimi keçirilib.

Orxan Aslanlı 

www.ann.az