Martin Şkrtel rəsmən "Fənərbaxça"da

"Fənərbaxça" "Livepul"un müdafiəçisi Martin Şkrtelin keçidini rəsmiləşdirib.

Qol.az-ın klubun rəsmi saytına istinadən verdiyi məlumata görə, slovakiyalı futbolçu ilə rəsmi müqavilə imzalanıb.

Lakin müqavilənin müddəti və şərtləri haqda məlumat verilməyib. 31 yaşlı futbolçu İstanbul təmsilçisinə keçidi ilə bağlı bunları deyib: "Fənərbaxça" kimi böyük klubda olduğum üçün xoşbəxtəm. Bu komanda təkcə Türkiyədə deyil, Avropada da böyük klub olduğunu sübut edib. Azarkeşlərimizi sevindirmək üçün əlimdən gələni edəcəm".

Qeyd edək ki, 2008-2016-cı illərdə "Liverpul"da oynayan Şkrtel keçirdiyi 242 oyunda 16 qola imza atıb.