AFFA Klublar Komitəsində yeni sədr

ANN.Az-ın Qol.az-a istinadən verdiyi məlumata görə, seçki komitənin bu gün keçirilən iclasında keçirilib. Klub nümayəndələri sədr vəzifəsinə "Sumqayıt"ın prezidenti Kamran Quliyevi gətirib.

Qeyd edək ki, bundan öncə bu vəzifəni AZAL-ın vitse-prezidenti Fikrət Hüseynov icra edirdi.

İclasda K.Quliyev sədr seçilməsinə görə həmkarlarına təşəkkür edib: "Bu, məsuliyyətli işdir. Etimadı doğrultmağa çalışacağam. Mən də sizlərdən biriyəm. Klublar Komitəsi daim vacib qərarlar qəbul edir. Çalışacağıq ki, gələcəkdə də belə olsun. Sizdən xahişim odur ki, iclaslarımız gələcəkdə də fəal olsun”.