“Qarabağ”ın potensial rəqibi müəyyənləşdi

Bu gün Çempionlar Liqasında III təsnifat mərhələsinin püşkü atılıb. 


Qaynarinfo xəbər verir ki, İsveçrənin Nyon şəhərindəki tədbirdə 32 komandanın potensial rəqibləri müəyyənləşib.


Püşkatma iki hissədən ibarət olub. 22 ölkənin ən yaxşısı Çempionlar yolu, liqalarında yüksək yer tutan 10 komanda Liqa yolunda rəqiblərini tanıyıb. II təsnifat mərhələsi başlamadığından püşkdə bu raundun cütləri və mübarizəyə birbaşa qoşulan 8 klub iştirak edib.


Azərbaycan çempionu "Qarabağ” Çempionlar yolunda mümkün rəqibinin kimliyini bilib. "Qarabağ”ın Albaniya "Kukesi”si ilə təşkil etdiyi cütün qalibi 3-cü raundda BATE (Belarus) – HİK (Finlandiya) cütünün qalibi ilə qarşılaşacaq. İlk oyun Azərbaycan və ya Albaniyada keçiriləcək.


Qeyd edək ki, III təsnifat mərhələsinin ilk oyunları 7-8 avqustda, cavab qarşılaşmaları isə 13-14 avqustda keçiriləcək.
 
Çempionlar Liqası
III təsnifat mərhələsi



Çempionlar yolu
Seltik (Şotlandiya)//Rusenborq (Norveç) cütünün qalibi - AEK (Yunanıstan)
Zalsburq (Avstriya) - Şerif (Moldova)//Şkendiya (Makedoniya) cütünün qalibi
Srvena Zvezda (Serbiya)//Suduva (Litva) cütünün qalibi - Legiya (Polşa)//Spartak (Slovakiya) cütünün qalibi
Qarabağ (Azərbaycan)//Kukesi (Albaniya) cütünün qalibi - BATE (Belarus)//HİK (Finlandiya) cütünün qalibi
Astana (Qazaxıstan)//Midtulland (Danimarka) cütünün qalibi -  Dinamo (Xorvatiya)//Hapoel (Beer-Şeva, İsrail) cütünün qalibi
Malmö (İsveç)//ÇFR (Rumıniya) cütünün qalibi - Lüdoqorets (Bolqarıstan)//Videoton (Macarıstan) cütünün qalibi


Liqa yolu
Standard (Belçika) - Ayaks (Hollandiya)//Şturm (Avstriya) cütünün qalibi
Benfika (Portuqaliya) - Fənərbaxça (Türkiyə)
Slaviya (Çexiya) - Dinamo (Kiyev, Ukrayna)
PAOK (Yunanıstan)//Bazel (İsveçrə) cütünün qalibi - Spartak (Moskva, Rusiya)

www.anews.az