“Vecimə də deyil” – Riberiden Platiniyə sərt cavab

Frank Riberi UEFA-nın prezidenti Mişel Platinin cavabını verib.

Qol.Az-ın xarici KİV-lərə istinadən yaydığı xəbərə görə, o, Fransa millisindəki karyerasını başa vurması ilə bağlı qərarının qəti olduğunu deyib:

"Daha millidə oynamayacağımı söyləmişəm. Fransa milli komandasının baş məşqçisi Didye Deşam da bu qərarıma hörmətlə yanaşıb. Bunda sonra yalnız "Bavariya" üçün oynamaq istəyirəm. Bu mövzuda çox danışmayacam. Cəzalandırılacağımla bağlı söylənilən fikirlər isə vecimə də deyil".

Qeyd edək ki, M.Platini Riberinin millinin dəvətindən imtina etmək hüququ olmadığını bildirib. Əks təqdirdə, o, Riberinin üç oyunluq cəzalandırıla biləcəyini söyləyib.

ANN.Az