“Real Madrid” çempion

Lissabonun (Portuqaliya) “Eştadiu da Luş” stadionunda Çempionlar Liqasının “Real Madrid” və “Atletiko Madrid” komandaları arasında final qarşılaşması başa çatdı.

Oxu.Az xəbər verir ki, oyunda hesabı 35-ci dəqiqədə “Atletiko”nun oyunçusu Dieqo Qodin açıb.

Lakin “Atletiko”nun azarkeşləri qələbəni qeyd etməyə hazırlaşdıqları bir vaxtda, “Real”ın oyunçusu Serxio Ramos əsas vaxta əlavə olunmuş vaxtda – 93-cü dəqiqədə hesabı bərabərləşdirdi – 1:1. 

Əlavə olunmuş vaxtda “Real Madrid”in futbolçuları üç dəfə dalbadal fərqləndilər.  

Əvvəlcə 111-ci dəqiqədə Qarret Beyl komandasının üstünlüyünü artırdı – 2:1.

118-ci dəqiqədə “Real”ın daha bir oyunçusu Marselo qol vurdu – 3:1.

Bu möhtəşəm matçda son nöqtəni isə Kriştianu Ronaldo qoydu – o, öz imkanını əldən buraxmadı və 120-ci dəqiqədə penalti zərbəsini dəqiq yerinə yetirdi.  

Beləliklə, “Real” 4:1 hesabı ilə qalib gəldi – Çempionlar Liqasının kuboku Madridə gedir. 

OXU.Az