"Qarabağ" bu gün oyuna ciddi itkilərlə çıxacaq - OYUNDAN GÖZLƏNTİLƏR

Azərisport saytının İmran Hüseynovun fikrincə, Bakı görüşü ərəfəsində əsas mövzulardan biri heyətdəki itkilərdir. Belə ki, qabaqkı oyunlarda iki  "sarı vərəqə" alan hücumçu Kadinin yoxluğu xüsusi qeyd olunur.  Oxşar səbəbdən yarım müdafiəçi Riçard Almeyda da bu gün matcda oynamayacaq. Zürihdə zədə alan müdafiəçi Kevin Medina isə hazırda reanimasiyada müalicədədir. 

 "Zürixdə iyulun 27 - də keçirilən oyunda Medinanı  əvəzləyən Bədavi Hüseynov oyunda özünü yaxşı göstərə bilməsəydi, Medinanin zədəsi də böyük itki sayıla bilərdi. Bədavi həmişə yaxşı mərkəz müdafiəçisi olub və şübhəsiz ki,Azərbaycanın ən yaxşılarından biridir. Uzun müddət ciddi zədə səbəbindən futbol  meydançasından kənarda qalan Hüseynovun qayıtdıqdan sonra müdafiənin mərkəzində kimisə layiqincə əvəz edə biləcəyinə şübhə ilə yanaşılırdı. Lakin o, "Zurix"ilə oyunda özünü yaxşı göstərərək əsas heyətdə yer ala biləcəyini sübut etdi. Ola bilsin ki, o, hələ meydanda 90 dəqiqənin hamısına kifayət qədər hazır deyil, amma bacardığı qədər sərf etdiyi hər dəqiqəni maksimum şəkildə işləyir",  - İmran Hüseynov vurğulayıb.

 

Onun sözlərinə görə, Kadinin yoxluğu və Qara Qarayevin qayıdışı ilə Marko Yankoviçin hücumameyilli yarımmüdafiəçi kimi çıxış edəcəyi ehtimal olunur.

 

Ekspertlər hesab edir ki,  ciddi itkilərə baxmayaraq, "Ferencvaros" güclü komanda olsa da  "Qarabağ” ev oyununda uğur qazana bilər. Bununla belə, unutmaq olmaz ki, Macarıstan çempionu hələ "Qarabağ” səviyyəli rəqiblə qarşılaşmayıb. Azərbaycan komandası əvvəlki iki turunda bütün potensial rəqibləri arasında status baxımından ən güclü olan Polşa və İsveçrə çempionlarını mübarizədən kənarlaşdırıb.

 

Macarıstan komandasına gəlincə, bu komanda qol vurmağı bacarır və sona qədər mübarizə aparan komandadır. 

Ağdamlıların qarşısında aşkar vəzifə durur - Budapeştə üstünlüklə yollanmaq üçün Bakıda uğurlu nəticə əldə etmək.

 

Oyunda ilk dəfə (və Çempionlar Liqasının 3-cü turunun bütün oyunlarında) "VAR""(Video Assistant Referee) sistemindən istifadə olunacaq.

 

Oyun bu gün Bakı vaxtı ilə 20:00 da baş tutacaq.