Mançini: "Möcüzəyə ehtiyacımız var"

Təcrübəli məşqçi "Real Madrid" və "Yuventus"un olduğu qrupdan bir möcüzə nəticəsində çıxdıqlarını söyləyib

Futbol  ""Çelsi"ni keçə bilmək üçün möcüzəyə ehtiyacımız var". ANS PRESS-in məlumatına görə, bunu "Qalatasaray" klubunun baş məşqçisi Roberto Mançini İngiltərə mətbuatına verdiyi açıqlamasında deyib. Təcrübəli məşqçi "Real Madrid" və "Yuventus"un olduğu qrupdan bir möcüzə nəticəsində çıxdıqlarını söyləyib:

""Çelsi"ni çox yaxşı tanıyıram. Bizim tərəfimizdən baxsaq çox çətin bir matç olacaq. Çünki "Çelsi" bu tip əhəmiyyətli matçları oynamağa adət edib. Amma buna baxmayaraq biz də imkanlarımız daxilində yaxşı bir futbol ortaya qoymaq istəyirik. Son 2 ayda böyük mərhələ qət ediblər. Biz "Real Madrid" və "Yuventus"un olduğu bir qrupdan gəlirik və məncə bu bir möcüzə idi. İndi buradayıq və bir möcüzə daha həyata keçirə bilərikmi bilmirəm, amma sınayacağıq. Futbolda heç bir şeyə olmaz deyə bilməzsiniz". 

Qeyd edək ki, Çempionlar Liqası ikinci tur matçında "Qalatasaray" ilə "Çelsi" 26 fevral tarixində üz-üzə gələcək. Klublar İstanbul təmsilçisinin meydançasında qarşı-qarşıya gələcəklər.

ANN.Az