Azərbaycan yığması FİFA reytinqində irəlilədi

Azərbaycan FİFA reytinqində irəliləyib. ANS PRESS-in məlumatına görə, hər ay açıqlanan reytinq cədvəlində ilk üçlüyündə yığmaların mövqeyi dəyişməyib. Belə ki, İspaniya 1506 xalla birinci, Almaniya 1314 xalla ikinci, Argentina isə 1255 xalla üçüncü yerdə qərarlaşıb. Hesabında 372 xal olan yığma komandamız isə 1 pillə irəliləyərək 93-cü yerdə qərarlaşıb. Türkiyə yığması aktivindəki 703 xalla 3 pillə irəliləyərək 42-ci pilləyə yüksəlib. Rusiya yığması isə 862 xalla 22-ci pillədəki yerini qoruyub. Ermənistan komandası 8 pillə birdən irəliləyərək 771 xalla 30-cu yerə yüksəlib. Qeyd edək ki, növbəti reytinq siyahısı martın ayının 13-də açıqlanacaq.ANN.Az