“Neftçi” “Qarabağ”ı məğlub edib, "Sabah" Azərbaycan çempionu olub

“Sabah” Misli Premyer Liqasında çempionluğunu rəsmiləşdirib.

Bu, XXI turdan təxirə salınmış “Neftçi” – “Qarabağ” matçının nəticəsindən sonra dəqiqləşib.

“Palms Sports Arena”da keçirilən görüşdə “Neftçi” 2:1 hesabı ilə qalib gəlib.

Ev sahibi komandanın qollarını 55-ci dəqiqədə Emil Səfərov və 90+2-ci dəqiqədə Bassala Sambu vurub. “Qarabağ”ın yeganə qolu 85-ci dəqiqədə Elvin Bədəlovun avtoqolu ilə gəlib.

Xallarının sayını 47-yə çatdıran "Neftçi" dördüncü pilləyə yüksəlib.

29 oyundan sonra 59 xalla ikinci sırada yer alan "Qarabağ"ın 72 xalla lider olan "Sabah"a çatmayacağı dəqiqləşib.

Beləliklə, "Sabah" tarixində ilk dəfə Azərbaycan çempionu olub.