"Qarabağ" - "Tvente" oyununun biletləri satışa çıxarılıb

UEFA Konfrans Liqasının pley-off mərhələsində keçiriləcək “Qarabağ” – “Tvente” (Niderland) qarşılaşmasının biletləri satışa çıxarılıb.Bu barədə “Qarabağ” klubundan məlumat verilib.

Standart biletlərin qiyməti 5, 10, 15 və 20 manatdır. VIP sektorlar üçün biletlər 50, 75 və 100 manat, VVIP sektor üçün isə 150 manat təşkil edir.

Biletləri yalnız iTicket.az-ın rəsmi saytı və mobil tətbiqi vasitəsilə əldə etmək mümkündür.

“Qarabağ” – “Tvente” qarşılaşması avqustun 27-də Bakıda Tofiq Bəhramov adına Respublika Stadionunda keçiriləcək. Komandalar arasında ilk oyun avqustun 20-də Niderlandda baş tutacaq.