"Mançestr Yunayted"ə Çempionlar Liqası zərbəsi

İngiltərə Primyer Liqasının məşhur klubu "Mançester Yunayted"in gəlirləri azalmağa başlayıb.

ANN.Az BBC-yə istinadən xəbər verir ki, klub 2014-cü ilin ikinci yarısında gəlirlərinin təxminən 200 milyon dollar gerilədiyini bildirib.

"Mançester Yunayted"in Çempionlar Liqasında oynamadığından, ən əsas sponsorlarından biri olan "Nike"dan ödənişlərini ala bilməyib.

Klubun sahibi Ed Vuud məsələylə bağlı açıqlamasında bildirib: "Bu mövsüm Avropa Kuboklarında oynaya bilmədik, amma gəlirlərimiz sağlamdır. Komandamız bu il Premyer Liqada ilk dördlükdədir. Çempionlar Liqasında iştirak etmək şansımız yüksəkdir". 

20 dəfə İngiltərə Liqa çempionluğu qazanan klub keçən il liqanı yeddinci sırada bitirmişdi.

Komanda bu səbəbdən Çempionlar Liqası və ya Avropa Liqasında oynamağa haqq qazana bilməmişdi. Birja Mütəxəssisi Richard Hunter klubun marketinq fəaliyyətinin çox yaxşı getdiyini bildirib. Hunter deyib: "İlin son üç ayında ticarət gəlirləri 10% artıb. Əvvəlki ilə görə daha aşağı olsa da, ilin ərzində də mənfəətlər əldə olunub. 2017-2019-cu il sezonları üçün edilən 5,12 milyard sterlinqlik nəşr hüquqları razılaşmasından da əhəmiyyətli gəlirlər əldə edəcəklər".