"Hər üç kuboku qazana bilərik" – Luis Enrike

"Bavariya" ilə cavab oyunu asan deyildi. Yaxşı ki, ilk matçdan sonra üstünlüyümüz var idi. "Bavariya" irəli atılanda çətinliklə üzləşdik. İlk hissədə topa nəzarət edirdik, ancaq fasilədən sonra xeyli səhvlərimiz oldu".

ANN.Az Qol.Az-a istinadən xəbər verir ki, bu sözləri "Barselona"nın baş məşqçisi Luis Enrike Çempionlar Liqasının yarımfinalında "Bavariya"ya məğlub olduqları cavab oyunundan sonra deyib.

"Barselona” uduzsa da, iki oyununun nəticəsinə görə (3:0, cavab matçında 2:3) finala vəsiqə qazanıb.

İspaniyalı mütəxəssis komandasının cari mövsüm üç kuboku da qazana biləcəyini deyib: "Bavariya" risk etdi. Ancaq biz də erkən qol vurmaq istəyirdik. Çünki bu, bizdəki inamı artıracaqdı. Futbolçularımın oyunundan razı qaldım. Onlar təbrikə layiqdirlər. Məşqçi kimi finala yüksəlmək fərqli təcrübədir. Cari mövsüm hər üç kuboku (La Liqa, İspaniya və Çempionlar Liqasının kuboku nəzərdə tutulur – red.) qazana bilərik".

Qeyd edək ki, Çempionlar Liqasının yarımfinalında iki oyunun nəticəsinə görə 5:3 hesabı ilə qələbə qazanan "Barselona" finala adlayıb. Komandanın həlledici görüşdəki rəqibinə bu axşam keçiriləcək "Real" - "Yuventus" matçından sonra aydınlıq gələcək.


www.ann.az