"Qəbələ"nin "İnter"lə ikinci sınağı

ANN.Az-ın klubun saytına istinadən yaydığı xəbərə görə, Roman Qriqorçukun komandası Bakı "İnter”i ilə qarşılaşacaq.

Bu, komandalar arasında ardıcıl 2-ci yoxlama matçı olacaq. İyunun 24-də baş tutan görüşdə "Qəbələ” Aleksey Antonovun qolu ilə qalib gəlmişdi – 1:0. 

Matç Qəbələ şəhər stadionunda saat 20:00-da start götürəcək.

Xatırladaq ki, 4-cü yoxlama oyununu keçirəcək "qırmızı-qaralar” Türkiyədəki təlim-məşq toplanışı çərçivəsində Ərzurumun U-21 komandasını 2:1, "Aşkalespor”u 10:0 hesabı ilə məğlub edib.