Tacikistanda Horo şəhərinin hava limanının rəisi Dildor Maksudşoyev ölkə prezidenti Emomali Rahmonun içində olduğu vertolyotu Düşənbəyə yola salarkən həlak olub.

anews.az bu barədə "RİA Novosti”yə istinadla xəbər verir.

"Prezidentin vertolyotu havaya qalxarkən Dildor Maksudşoyev ona çox yaxın məsafədə dayanıb.

Vertolyotun pərləri altında yaranan güclü hava axını nəticəsində o yıxılıb və başı yaxınlıqdakı iri daşa dəyib”, - Tacikistan DİN-nin mətbuat xidməti bildirib.

DİN-nin məlumatına əsasən, Maksudşoyev xəstəxanaya çatdırılarkən yolda dünyasını dəyişib.
www.anews.az