Lisenziyasız silahlarla işlədilən cinayətlərin artması səbəbiylə hərəkətə keçən Türkiyənin Mütəşəkkil və Kibercinayətkarlıq İdarəsinin polisləri internet üzərindən silah satan şəbəkəyə qarşı əməliyyat keçirib.

Publika.az Türkiyə KİV-inə istinadən xəbər verir ki, İstanbulda 60 ayrı ünvana basqın təşkil olunub.

Saxlanılan 48 nəfərdən 7-nin şəbəkə üzvləri olduğu müəyyən edilib. Araşdırmaların gedişatında internet üzərindən qeyri-qanuni silah satan şəbəkə üzvlərinin yazışmaları ifşa edilib. Yazışmalarda "kirayə götür, istifadə et, geri gətir” kimi ifadələr diqqət çəkib.