APA-nın qərb bürosunun verdiyi məlumata görə, rayonun Kirən, Sarıtala, Yanıxlı, Əhmədabad, Köhnə Qala və Alakol kəndlərində daha güclü dolu yağıb, külək əsib. Rayon İcra Hakimiyyəti Aparatından bildirilib ki, Yanıxlı və Alakol kəndlərində isə külək bir neçə evin dam örtüyünü qopararaq yararsız hala salıb. Həmçinin Köhnə Qala kəndində hündür ağaç aşaraq elektrik naqillərini qırıb. Nəticədə yaşayış məntəqəsinin elektrik enerjisinin verilişində fasilələr yaranıb. Təbii fəlakət nəticəsində bəzi kəndlərdə ev quşlarının tələf olduğu bildirilir. Dolu əkin sahələrində kartof və digər kənd təsərrüfatı bitkilərinə də ziyan vurub. 

 

Rayon Fövqəladə Hallar Komissiyası dəymiş ziyanı araşdırır.