Türkiyə Misirə pilotsuz uçuş aparatlarını verəcək

15:46 | 05.02.2024
Türkiyə Misirə pilotsuz uçuş aparatlarını verəcək

Türkiyə Misirə pilotsuz uçuş aparatlarını verəcək

Türkiyə on il davam edən fikir ayrılığından sonra münasibətləri normallaşdırdığı üçün Misirə öz pilotsuz təyyarələrini verməyə razılaşıb. Bunu Türkiyənin xarici işlər naziri Hakan Fidan deyib.

Türkiyə prezidenti Rəcəb Tayyib Ərdoğan həmkarı Əbdülfəttah əs-Sisi ilə görüşmək üçün fevralın 14-də Misirə gedəcək. Bu, Ankara və Qahirənin ötən il səfir təyin etməsindən sonra Ərdoğanın Misirə ilk səfəridir ki, bu da dövlətlər arasında diplomatik münasibətlərin yaxşılaşdığını göstərir.

Fidan özəl "A Haber” telekanalına bildirib ki, Türkiyə prezidenti əl-Sisi ilə ikitərəfli və regional məsələləri, o cümlədən ticarət, enerji və təhlükəsizlik məsələlərini müzakirə edəcək.

"Münasibətlərimizin normallaşması Misirin müəyyən texnologiyalara malik olması üçün vacibdir. Misirə pilotsuz uçuş aparatları və digər texnologiyaların verilməsinə dair razılaşmamız var”, - Fidan müqavilənin təfərrüatlarını açıqlamayıb.
 
Gülnar 

www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb