Dövlət qurumlarına qarşı 6 ayda 504 kiberhücum cəhdi qeydə alınıb

2025-ci ilin yanvar-iyun aylarında Xüsusi Rabitə və İnformasiya Təhlükəsizliyi Dövlət Xidməti dövlət qurumlarına qarşı ümumilikdə 504 kiberhücum indikatoru (IOC) qeydə alıb. Bu göstərici ötən ilin eyni dövrü ilə müqayisədə 1,2 % artım deməkdir.

Kibertəhdidlərin 198-i daxili araşdırmalar nəticəsində, 306-sı isə dövlət qurumlarından daxil olan insidentlər əsasında müəyyən olunaraq bloklanıb. Təkcə iyunda 51 kiberhücum qeydə alınıb ki, bu da illik müqayisədə 61 % azalma deməkdir.

Hesabat dövründə “AzStateNet” şəbəkəsində 262,9 milyon zərərli keçid, antivirus vasitəsilə 12,3 milyon zərərli fayl və “Sandbox” sistemi ilə 61 minə yaxın zərərverici sənəd bloklanıb.

Gülnar